Лазе Манасков - актер По успешното претставување со Драмски театар во Италија, продолжив со работа врз еден ТВ-филм, наречен „Нави" во чија основа се легендите за наречниците. Сценариото на филмот е на Владимир Плавевски, а го снимаме во режија на Вилијам Шаурек.
Нешка Робева - кореограф од Бугарија Пред претставувањето со денс- спектаклот „Арамии" во Скопје на 2 ноември, имам интензивни патувања и настапи низ Европа со мојата танчарска група „Нешка арт". Денеска сме во Софија и се подготвуваме за настапите во Будимпешта, Лондон и секако за средбата со македонската публика.
Ѓоко Таневски - пејач По релаксирачкиот викенд во мојот Охрид, утринава се враќам во Скопје и на работните обврски. Всушност, во текот на денот се адаптирам ( како и секогаш) на скопскиот ритам, а вечер имам настап во кафулето „Алиби".
