Џилиен Миловановиќ, амбасадорката на САД, за изборите, аферите и за личниот имиџ САД и е партнер на Македонија, а не патерналист Според Венецијанската
комисија и ОДИХР, не постои
преферирана меѓународна
практика околу составот на
избирачките одбори
Џилиен Миловановиќ Да имаш црква е фундаментално човеково право Се согласувате ли со оцените овде дека драмата со ексвладиката Вранишковски може да им наштети на македонско-српските односи. Според Вас, дали е тоа политичко прашање или прашање за човекови права?
- Од наша американска перспектива (а јас можам да зборувам само од таа перспектива за ова прашање) ние сме земја која е создадена од луѓе кои побегнаа од претходните држави зашто не можеле да ја практикуваат својата религија. За нас принципот да можеш да имаш црква и да можеш да ја практикуваш својата вера е фундаментално човеково право. И, мислам дека тоа е така признато и во многу меѓународни документи. Тоа е аголот од кој ние секогаш ќе гледаме на ова прашање. И, нема да навлегуваме во деталите за одделни случаи, туку ќе се запрашаме што прави Македонија околу почитувањето на законот за новите верски заедници кој е во подготовка. И, ќе се надеваме дека ќе усвоите најтолерантен, најлиберален и што е можно повеќе без предрасуди закон. Притоа, не е потребно да се мисли дали некоја одредена црква е добра, дали е лоша или единствена, туку дали се обезбедува верските заедници и верниците во земјата да можат да ги остваруваат обреди така како што посакуваат.
