Сузана Спасовска - пејачка Наближува премиерата на претставата "Ќелавата пејачка" од Ежен Јонеско, во режија на Љупчо Тодоровски - Упа. Тоа ќе биде своевиден новитет, кафе - театар. Така, деновиве имам речиси целодневни проби за мојата улога, со оглед на тоа што премиерата треба да се одржи на 19 март во ресторанот "Поткале".
Рисима Рисимкин - кореографка Од денеска ми започнува една пеколна седмица со обврски и подготовки за претстојниот "Танц-фест", чие свечено отворање е закажано за 7 април. Денеска имам повеќе состаноци, кои се обидувам оптимално да ги искоординирам, зашто од идната недела започнуваме веќе и со интензивната кампања за "Танц-фест".
Вукадин Пантиќ - сопст. на конфек. "Чериш" Деновиве сум во Скопје, главно во друштво со академскиот сликар Васко Ташковски. Ги прецизираме деталите на нашата соработка, т.е. производството на маици со хороскопски мотиви во мојата конфекција. Тие мотиви на маиците се, всушност, слики на Васко Ташковски.
Коста Бургов - кантавтор По долги подготовки, конечно дојде моментот за реализација на мојот спот за песната "Кралице прекрасна, глумице Елизабета", посветена на легендата Елизабет Тејлор. Снимам со професионалци, во една куќа во Моноспитово, во романтична атмосфера покрај камин. Денот брзо поминува и мора да се искористи максимално.
