Билјана Стефкова-Кузманова Покрај секојдневните обврски, денеска имам и ангажман околу изборите, како државен службеник. Попладне, со нетрпение го очекувам отворањето на СП во фудбал, а крајот на работната недела ќе го „крунисам“ со уживање во звуците на реге-ритамот на „Оф фест“.
Тихо Најдовски Денеска започнува традиционалната писателска манифестација „Рацинови средби“ во мојот Велес. Секогаш се радувам на овие дружења со колегите - писатели, а сега имам уште една причина. Денеска ќе биде претставен мојот писателски портрет, во рамките на „Рациновите средби“.
Анета Тодорова Денешните преокупации и обврски ми се стандардни за време на испитната сесија. Главно сум концентрирана на подготовката на испитите, но, сепак, ќе одам до Скај нет да разгледаме некои идеи околу летните програми. Попладне, може некое кафе - дружење, малку ТВ и повторно учење.
