Весна Илкова-Гиновска - соптран Денеска, во 10,30 ч. имам прес-конференција за концертот што ќе го одржам в понеделник, како своевидно одбележување на десетгодишнината од моето деби на македонската оперска сцена, со улогата на Микаела во операта "Кармен". По пресот, ме очекува музичка проба со оркестарот, па потоа финализирање на некои подготовки за сцената и уште една проба... Сў е во знакот на концертот.
Стојан Тренчевски - новинар во Мак. радио Покрај редовните работни обврски, во овој период имам интензивни подготовки и на изложбата на цвеќето на мирот, што на 8 март ќе биде отворена во Куќата на Мајка Тереза, како своевидно чествување и поврзување на оваа голема жена за празникот на жените. А тука се и подготовките за големата концертна турнеја на Есма.
Марјана Ацески - манекенка Релативно вообичен ден, со редовни, но големи обврски. До 16 ч. преокупирана сум со обврските на работа, во семејната фирма, кои продолжуваат и по работното време, со оглед на тоа што имаме деловни гости од Германија. Се надевам дека вечерва ќе имам сили релаксирано да се дружам со пријателите.
Мирче Карамучев - прес- коорд. на Фолк-фест ,,Валандово" Утринава, околу 8 часот, тргнуваме од Валандово за Скопје, каде што во 12. 30 ч. треба да одржиме прес- конференција и да ги соопштиме селектираните песни за годинешниов Фолк-фест ,,Валандово". Претходно, веројатно ќе имаме уште еден консултативен состанок, а доцна попладне, повторно на пат, за Валандово.
