Крамник апсолутен светски првак во шах Тој го совлада Топалов со 2,5-1,5 во тај-брејкот по забрзано темпо,
во кој Бугаринот превиде фигура
во последната партија
Владимир Крамник
Русинот Владимир Крамник ја обедини титулата светски шампион во шах откако
во доигрувањето по забрзано темпо го победи Бугаринот Веселин Топалов со
2,5-1,5. Регуларниот дел од мечот што се одигра во Елиста заврши нерешено 12:12.
Без оглед на исходот, двајцата ќе поделат еден милион долари.
Напнатата
атмосфера во мечот по протестот на Топалов поради честото користење на тоалетот
од Крамник во првите неколку партии, по што Русинот загуби една партија службено
зашто не сакаше да игра по прифаќањето на жалбата на Бугаринот, кулминира во
последната партија од тај-брејкот. Во неа на Топалов му се случи неверојатен
превид кога на противникот му подари цел топ! Веднаш потоа Крамник стана и
победнички ги крена рацете, а неговите навивачи во салата еуфорично го
прославија неговиот успех.
„Со пријателите планираме да се опијаниме
денеска", беше првата реакција на новиот светски првак по завршувањето на мечот.
„Многу сум среќен што круната останува во Русија. Овој успех можам да го
споредам само со победата над Каспаров. Имајќи ја предвид атмосферата што ја
создаде мојот противник, победата беше прашање на принцип за
мене".
„Среќен сум што сж заврши. Сигурен сум дека ме поддржуваше цела
Бугарија. Тоа што се случи во Елиста можеше да се случи каде било, но ние бевме
подготвени. Правилата секаде се исти. Чудно е што насилството на Крамник не беше
забележано, но мојот менаџер Силвио Данаилов ќе ви даде повеќе детали за
случајот", изјави Топалов.
